South-African human rights lawyer Navi Pillay win 2026 Nobel peace prize

Wia dis foto come from,Getty Images

Published

3 minutes wey don pass

Read am in 1 mins

Former UN human rights chief and International Court of Justice judge, Navi Pillay don win di 2026 Nobel Peace Prize.

Dem recognise di South African judge "for her effort to promote peace and international law" wey don make way for "good global legal order," di Nobel committee tok.

Navi Pillay, wey be 85 years old, don spend many decades dey investigate allegations of human rights violations for different parts of di world. She don play key role for major inquiries wey involve abuses for Rwanda, Myanmar and Gaza, as part of her long career fighting for justice and human rights.

Her early work include defending anti-apartheid activists for South Africa, and on Friday, she bicom di kontri fifth Peace Prize winner - she follow for di footsteps of Nelson Mandela and Archbishop Desmond Tutu.

Chairman of di Norwegian Nobel Committee, Jørgen Watne Frydnes tok say, work wey Navi Pillay don do dey "instrumental in ensuring say war crimes, crimes against humanity, and genocide face prosecution."

"Navi Pillay dey commitment to universal legal principles and her strong moral compass don remain constant throughout her long and distinguished career," e tok

Skip content and continue reading

End of content

We still dey update dis tori!